最近同家人去咗新開張「紅樓」飲茶🫖 「紅樓」係新蒲崗啟鑽苑商場新開張酒樓，佔地7500呎！附近終於有間有規模嘅酒樓😗 點咗燒味部的「招牌荔枝木燒鵝」試下，再叫多幾款點心。地方好大，好闊落。仲有少量座位係卡位坐得更舒適。
「招牌荔枝木燒鵝」💲138
香氣十足，陣陣荔枝木香味。燒出嚟嘅燒鵝油光滿滿，外皮好香脆，肉質又滑嫩。燒鵝肥瘦適中，皮下帶點肥脂就最好味。
頂點「蟹籽燒賣皇」4隻
燒賣皇餡料好飽滿，豬肉餡同大蝦咬落彈牙有嚼口。
中點 「山竹陳皮牛肉球」
牛肉球肉質軟腍，餡料鮮嫩，蒸得剛好不過火。牛肉球加埋喼汁好提味！
特點 「竹炭黑金流沙包 3件」
包皮口感鬆軟，流沙餡料好香甜。
頂點「翡翠鮮蝦腸」
蝦肉好大舊。腸粉皮較厚。
📍 紅樓
鑽石山彩虹道235號啟鑽商場1樓105號舖
之前嚟過Coco Expresso 飲啡☕️ 今晚同媽咪經過見到原來佢地有Burger、Pasta 同Croffle食！咁岩我地又要食晚餐，就係呢道食啦😚 我地叫咗兩個Mains～再叫多個甜品😍 兩個女人食咁多，真係食得好飽～🤤
🍔 煎蛋煙肉芝士牛肉漢堡 配薯條 💲138
厚厚嘅漢堡😍 麵包口感鬆軟有蛋香。中間夾住煎香、煙肉、芝士、蕃茄、生菜，層次好豐富！醬汁似千島醬味道，酸酸甜甜。煙肉有少少焦邊，好香口。薯條炸得香脆，外脆內軟！
🍝 軟殼蟹明太子忌廉意粉 💲138
醬汁好creamy，每條意粉都沾到醬汁，口感濃厚。加上大量蟹籽，食落去脆卜卜，好滋味。軟殼蟹啖啖肉，唔會太油膩。
🧇 香蕉藍莓牛角酥窩夫 💲88
甜品就係時候開啟第二個胃😚 最期待就係Croffle！兩塊Croffle上面擺咗香蕉、藍莓，再吱咗大量忌廉，質地算輕盈。忌廉上面有香甜嘅蜜糖，整體味道好夾！牛角酥窩夫口感酥脆，好好味道！
☕️ Flat White 💲39 // 🍫 Chocolate 💲45
靚靚拉花🥰 Flat white口感好順滑，咖啡味香濃。而另一杯就係好香滑嘅朱古力，唔會太甜，媽咪都話好飲！
【 Coco Espresso 】
📌 大埔安邦路9號大埔超級城C區1樓587號舖
紀念日要揀個好地方慶祝💓 @hyattcentrichongkong The Farmhouse自助餐真係人氣之選，連星期一都接近滿座。 The Farmhouse最近推出「拉丁美洲主題自助餐」🇦🇷 🇧🇷🇵🇾🇲🇽 主打美食有阿根廷、巴西烤肉同香腸，阿根廷、墨西哥、秘魯甜點，厄瓜多爾湯品等等。除咗期間限定嘅拉丁美洲主題食品之外，仲有海鮮美食、亞洲美饌、港式燒味、印度咖哩、中式佳餚、甜品、雪糕吧等等，真係好多選擇❤️
門口位置就係南美的人氣Churros小店 【Twist
＆Buckle 】！除了肉桂粉嘅原味外，更有4款配料可以選擇，包括奶油曲奇、榛子朱古力、焦糖牛奶醬及草莓朱古力。我就揀咗奶油曲奇，充滿牛油香氣，加咗曲奇碎碎，口感更香脆。
係熟食區第一眼就望到串住嘅烤肉同香腸🍢廚師將豬肉、牛肉、雞肉、香腸、菠蘿以正宗巴西烤肉方式烤煮，烤至兩面金黃，肉香撲鼻。其中烤菠蘿塗上蜜糖後味道有種焦香，咬落多汁。
熟食區仲有即製墨西哥芝士餡餅，餡料豐富，味道微辣，有紅椒青椒，好惹味！
而凍食區就有秘魯Ceviche，即係檸汁醃魚生沙律。檸檬汁將新鮮魚生醃製一個星期，等魚肉變成白色後即可食用。味道酸酸地，好醒神開胃！
꧁༒•海鮮美食•༒꧂
海鮮吧有波士頓龍蝦、麵包蟹、海蝦、青口、大蜆、翡翠螺。一開始已經見到有人排緊隊，最搶手就係波士頓龍蝦同麵包蟹！一大盤入面有好多隻。職員refill嘅速度都好快，見到淨返少少就會即刻refill👍🏻 龍蝦切開半邊，方便食用。好容易起肉，啖啖肉好彈牙。蝦膏都好香。麵包蟹好厚肉。打開麵包蟹嘅殼會見到好多橙色同泥黃色嘅蟹膏！泥黃色蟹膏好creamy，橙色蟹膏質感像就似蛋黃，口感豐腴。
海鮮吧旁邊就係刺身吧，有三文魚、吞拿魚、油甘魚、八爪魚等。師傅將魚生厚切。魚生新鮮，油脂豐富。
꧁༒•前菜•༒꧂
有自家醃製煙三文魚、西班牙火腿、意式肉腸、沙樂美腸、三款芝士同配料、預拌沙律，仲有凱撒沙律、水牛芝士蕃茄沙律、秘魯Ceviche。
꧁༒•亞洲美饌•༒꧂
印度咖哩味道好香，可以用薄餅沾嚟食，好好味道！另一邊有叉燒、切雞、滷味等等。叉燒調味剛好，但未夠軟腍。港式麵檔個邊可以自己夾食物比廚師煮。龍蝦伊麵我攞咗幾次，伊麵吸咗龍蝦汁精華，唔錯！
꧁༒•甜品•༒꧂
期間限定甜品有阿根廷牛奶椰子曲奇、煎餅、香草奶凍配蛋白霜、墨西哥大米布丁。除咗呢啲之外，仲有好多款蛋糕、泡芙、蛋卷。雲石芝士蛋糕重芝士香，口感好濃厚。
而我最期待就係旋轉雪糕櫃🌀雪糕櫃入面有多款口味雪糕。可以用cone裝，個cone好脆！雲呢拿味好香濃，口感好奶滑。Tiramisu帶有濃郁咖啡酒香。
꧁༒•飲品•༒꧂
有不同soft drink，咖啡、紅茶、檸檬茶任飲，亦可加錢升級「無限暢飲套餐」，有氣泡酒、白酒、紅酒、啤酒。
📍The Farmhouse
北角北角邨里1號香港維港凱悅尚萃酒店西座2樓
最近同家人去咗新開張「紅樓」飲茶🫖 「紅樓」係新蒲崗啟鑽苑商場新開張酒樓，佔地7500呎！附近終於有間有規模嘅酒樓😗 點咗燒味部的「招牌荔枝木燒鵝」試下，再叫多幾款點心。地方好大，好闊落。仲有少量座位係卡位坐得更舒適。 「招牌荔枝木燒鵝」💲138 香氣十足，陣陣荔枝木香味。...
